Тавче-гравче е омилено празнично посно јадење кај нас, а по традиција домаќинките го подготвуваат за бадниковата трпеза.
Го најдовме најлесниот рецепт за конзервиран грав, ќе биде исто толку вкусен како вистинскиот и ќе имате повеќе време да уживате во празниците.
Готвачите додаваат две тајни состојки во тавче-гравчето, така што двата вкуса кои нè тераат да го сакаме уште повеќе ќе дојдат до израз. Гравот ќе биде посладок поради кафеавиот шеќер, а позачинет поради само една кафена лажичка сенф. Еве како да направите празнично тавче-гравче:
Потребни состојки:
- 2 конзерви грав
- 1 голем кромид
- 2 чешниња лук
- 2 лажици доматно пире
- 1 конзерва доматен пелат
- 1 кафена лажичка сенф
- 2 лажици кафеав шеќер
- 4 лажици мелен црвен пипер
Подготовка:
Во длабока тава пропржете ги ситно сечканиот кромид и лукот додека не поруменат. Потоа додадете шеќер и доматно пире и мешајте додека не се испржат. Потоа во тава додајте добро исцеден грав, зачини и пелат. Оставете да зоврие, веднаш намалете ја топлината и динстајте 10 минути.
Префрлете го во огноотпорен сад и печете во загреана рерна на 200°C, додека водата не изврие и одозгора не се направи убава кора.