Доколку сте љубители на мусаката, еве една идеја за малку поинаква мусака од каква што сте навикнати да јадете.
Едноставен рецепт за вкусна мусака од туна карфиол, одлично решение за оние денови кога немате многу време во кујната.
Потребни состојки:
4 лажици путер и уште малку за подмачкување на тавата
300 гр туна во саламура, конзервирана (исцедете ја течноста)
2 чаши полномасно млеко
5 лажици брашно
глава кромид, ситно исечкана
450 гр карфиол (исечкан на „цветови“)
сол и бибер по вкус
240 гр тестенини што ви се допаѓаат (поголеми)
свеж магдонос, исечкан
Подготовка:
Загрејте ја релната на 200 степени. Подмачкајте ја тавата со со путер. Ставете ги тестенините во врела вода, посолете и варете околу 4 минути, а потоа додадете карфиол и оставете да се готви додека тестенините не бидат готови, уште 5-6 минути.
Процедете ја водата, префрлете ги тестенините и карфиолот во сад, а потоа стопете го путерот во истата тава, додадете го исечканиот кромид и варете околу 8 минути. Додадете го брашното, гответе го мешајќи уште две минути, а потоа полека истурете му го млекото, мешајќи цело време и варете на тивок оган додека не се згусне. Додадете ги туната, тестенините и карфиолот, додајте сол и бибер по вкус, а потоа префрлете во тавата.
Покријте со фолија и печете 15 минути. Извадете ја фолијата и оставете уште десетина минути во релна на 220 степени за да фати убава кора. Посипете со сечкан магдонос и сервирајте топло.