Овој рецепт за колач е идеален за време на пости. Се прави лесно и брзо, со мармалад и цимет.
Потребни состојки:
-300 мл топла вода
-300 г шеќер
-5 лажици мармалад од кајсии
-1 кесичка сода бикарбона
-2 лажички цимет
-5 лажици масло
-400 г брашно
Глазура:
-100 г чоколадо за готвење
Начин на подготовка:
Измешајте ги сите состојки со лажица додека не добиете еднолична смеса, а потоа прелијте ја во подлабок сад за печење, обложен со мрсна хартија.
Печете во загреана рерна на 150 степени околу 30 минути.
Кога колачот ќе се испече и олади, исечете го на коцки. Намачкајте го одозгора со мармалад, а потоа прелијте со стопено чоколадо.