Фудбалерите на Баерн синоќа го победија тимот на Баер со 4:0 на Алијанц Арената во 8. коло од Бундеслигата и со тоа најавија излез од резултатската криза, што е своевидна порака до останатите клубови од германската елита дека баварскиот гигант се разбуди.
Баерн веднаш тргна агресивно и во третата минута поведе со голот на Сане на асистенција на Мусијала.
Младиот германски играч за врска потоа го удвои водството во 17. минута, а одличната игра ја заокружи на шест минути пред паузата кога асистираше по втор пат, овој пат за Мане.
Сенегалецот постигна гол и во 56. минута, но беше казнет поради прекршок по прегледот на ВАР.
Конечните 4:0 ги постави Милер, кој претходно му асистираше на Мусијала за вториот гол и со тоа ја круниса добрата партија.
Баерн со вчерашната победа скокна на второто место и сега заостанува два бода зад лидерот Унион Берлин, кој има натпревар помалку. Баер е на 16. позиција.
Инаку, Баерн синоќа за првпат играше во специјализирани дресови со дизајн посветен на Октоберфест, големиот фестивал на пивото и карневалот во Минхен.
