Софија, 29 мај 2020 (МИА) – Бугарскиот Централен оперативен штаб предложи укинување на 14-дневниот карантин за бугарските и странските државјани од земјите-членки на ЕУ, како и за граѓаните од Република Северна Македонија и од Србија при влезот во Бугарија, јави БГНЕС.
– Предлогот е врз основа на податоците на Европскиот центар за контрола на болести, изјави денеска доцент Ангел Кунчев.
Задолжителниот 14-дневен карантин ќе остане само за граѓаните на осум држави, кои имаат голем број инфицирани лица со COVID-19 во последните две недели.
Карантинот ќе биде задолжителен за граѓаните на Белгија, Италија, Малта, Шпанија, Португалија, Шведска, Ирска и Велика Британија.
Во Бугарија евидентирани се 2.485 лица заразени со новиот коронавирус, од кои 136 починаа, а 1.016 оздравеa.
