Налетавме на урнебесно видео од 2018 година во кое був писмоносец никако не дозволува жената да си го подигне писмото кое ѝ е доставено.
Бувот наречен Јол успешно го донел писмото до вистинската адреса, доаѓајќи на вистинскиот прозорец. Но, проблем: Јол не сака да го пушти писмото кое го носи и цврсто го држи со клунот.
Јол е був кој е израснат во заробеништво и не би можел да преживее сам во дивината. Тој е навикнат да биде помеѓу луѓе.
Што сѐ не проба жената за да си го добие писмото: му понуди храна, играчка, но Јол не сака ни да чуе да се раздели од писмото.
На крајот излезе како одлична реклама за Мундијалот 2018 во Русија бидејќи писмото всушност содржеше карта за натпревар.