Capology ги објави платите на сите играчи во Премиер лигата

Финансискиот портал Capology објави податоци за платите на сите фудбалери во Премиер лигата пред почетокот на новата сезона 2024/2025. На првите четири места има двајца асови на Манчестер сити и по еден на Ливерпул и Манчестер Јунајтед.

Како што пренесува овој портал, за платите на 590 фудбалери се издвојуваат околу 1,8 милијарди фунти (околу 2,1 милијарди евра), односно просечната плата на фудбалерите во елитната англиска лига е околу 3 милиони фунти годишно (околу 3,5 милиони евра).

Најплатен фудбалер во Премиер лигата е играчот од средниот ред на Манчестер сити, Кевин Де Брујне. Белгиецот заработува 20,8 милиони фунти годишно (околу 24,7 милиони евра). Или 400.000 фунти неделно, што е околу 475.000 евра.

Второто место го зазема неговиот норвешки соиграч Ерлинг Браут Холанд со 19,5 милиони фунти (23,2 милиони евра). Неговата неделна плата изнесува 375.000 фунти.

Третото место го поделија Мохамед Салах од Ливерпул и бразилскиот играч за врска на Манчестер Јунајтед, Каземиро. Годишно заработуваат по 18,2 милиони фунти (21,6 милиони евра), односно неделно инкасираат по 350.000 фунти неделно.

Многумина ќе бидат изненадени од некои имиња, на пример, најплатен играч на Челси е Белгиецот Ромелу Лулаку, и покрај тоа што во последните две сезони тој не одигра ниту една секунда за клубот од „Стемфорд Бриџ“. Лукаку играше на позајмици во Интер и Рома. иста плата како Лукаку има и Рахим Стерлинг, 16,9 милиони фунти (околу 20 милиони евра).

Жуау Канселу и Џејдон Санчо се слични примери. Португалецот играше како позајмен за Баерн и Барселона, а е четврти најплатен играч во тимот на Пеп Гуардиола, додека Англичанецот минатата сезона повторно го носеше дресот на Борусија од Дортмунд и е четврти најплатен играч во тимот на Ерик тен Хаг.