Поранешниот европски шампион Цеље синоќа триумфираше убедливо против тимот на Бутел со 31:20 (18:8), со што го најави најави својот напад за освојување на Струшкиот ракометен турнир оваа година.
Словенците тргнаа моќно во овој дуел уште во воведните минути од натпреварот и стигнаа до резултат 10:1 и практично го решија победникот, на одмор се замина со резултат (18:8).
Во вториот дел се играше поопуштено, двајцата тренери им дадоа шанса на повеќе ракометари од клупата да играат и конечниот резултат гласеше 31:20.
Вториот ден од турнирот го отвораат екипите на Алкалоид и Цеље (17:15 часот), два часа подоцна премиерно годинава ќе настапат АЕК Атина против Татран Прешов, додека во последниот меч се среќаваат скопските екипи на Вардар и Бутел (21:15).
