Министерот за здравство Венко Филипче одржа прес-конференција на која извести за состојбата со COVID-19 во земјава.
Тој извести дека Комисијата за заразни болести правеше анализа и ги следеше трендовите, утврдувајќи дека има неколку локации каде има брзо ширење како резултат на непочитување на препорачаните мерки за заштита.
Групирање на семејни прослави, без носење заштитна опрема, непочитување на мерките за заштита и мерките за превоз на работници се главни причини за тоа.
Ова е потврда дека стратегијата дава резултат онаму каде се почитуваат мерките.
Филипче извести дека со цел да се спречи дополнително ширење на вирусот во критичните региони, Владата донесе одлука за воведување полициски час од утре (4 јуни) во 21 часот до понеделник (8 јуни) до 5 часот наутро во Скопје (сите скопски општини), во Општина Куманово, Општина Липково, Општина Штип, Општина Тетово, како и во Боговиње, Брвеница, Теарце, Желино и Јегуновце.
Во сите останати градови полицискиот час ќе трае од утре (4 јуни) во 21 часот до задутре (5 јуни) до 5 часот наутро, додека во останатите денови да почнува од 16 часот и да трае до следниот ден до 5 часот наутро.
Петок (5 јуни) се прогласува за неработен ден за сите граѓани.
Во периодот од четврток (4 јуни) од 21:00 часот до понеделник (8 јуни) до 05:00 часот, се забранува посета на гробиштата на територијата на цела држава, освен за погреби.
Отстапките за од овие забрани се однесуваат за земјоделските активности, поради што е дозволено движење во рамки на територијата (атарот) на селата, исклучиво за работните потреби.
За време на периодот за кој е донесена оваа одлука за забрана за движење, аптеките ќе работат непречено, а Министерството за здравство ќе изработи план за непречена работа и на здравствените установи.
Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните кои вршат достава на производи, при што тие своите ангажмани ќе ги реализираат непречено.
Остануваат на важење сите издадени дозволи за движење за време на претходните забрани за движење кои беа воведени, особено за економските оператори и за работа организирана во смени.
Прошетката на милениците ќе биде во веќе востановените термини во периодите 08:00 до 8:30, 15:00 до 15.30 и 20:00 до 20:30 часот.
Забраната за движење не важи за лицата со попреченост и за нивните придружници доколку имаат соодветна документација.
Прес-конференцијата е во тек.