Генералниот извршен директор на „Витаминка”, Сашо Наумоски денес соопшти дека цената на зејтинот е намалена за скоро 40 денари.
„Цената на маслото за јадење е намалена за 40 денари, а цената на репроматеријалите мируваат“, истакна генералниот извршен директор на „Витаминка“, Сашо Наумоски при денешната посета премиерот Димитар Ковачевски на фабриката „Брилијант“ во Штип, која е дел од групацијата на „Витаминка“.
„Цената е падната за скоро 40 денари и ние се трудиме и понатака цената да ја намалиме и да ја донесеме, ако е можно да дојде до цените од пред три години што беа. Цената најмногу зависи на нашиот производ од суровината“, вели Наумоски.
Ковачевски порача дека во овој период на тешка економска криза домашните капацитети за производство на основни прехранбени производи меѓу кои и маслото за јадење, се ставени во полн капацитет, а мерките донесени од Владата имаат за цел да се избегнат ценовните шокови и да се заштитат граѓаните.
-Во овој период на тешка економска криза домашните капацитети за производство на основни прехранбени производи меѓу кои и маслото за јадење, се ставени во полн капацитет, а мерките кои што беа донесени од Владата имаат за цел да се избегнат ценовните шокови и да се заштити животниот стандард на граѓаните. Токму во таа насока Владата изминатиот период донесе одлуки за повластена тарифа на електрична енергија пониска од берзанската, со што влијаеме на намалувањето на цените на основните прехранбени производи, вели Ковачевски.