Цената на барел нафта надмина 90 долари и е највисока во изминатите седум години, бидејќи украинската криза ги надмина индициите дека Федералните резерви на САД ќе ја заострат монетарната политика.
Цената на барел нафта од типот „брент“ порасна за еден процент на 90,85 долари, а барел сирова нафта во САД моментално чини 88,22 центи по поскапувањето за еден процент.
Цената вчера нагло скокна поради тензиите меѓу Русија, вториот најголем извозник во светот, и Западот. Поради нивниот спор околу Украина, се стравува дека ќе дојде до нарушување на енергетските залихи во Европа.
Федералните резерви на САД вчера соопштија дека најверојатно ќе ја подигнат основната каматна стапка во март, како и дека планираат да го завршат откупот на хартиите од вредност во истиот месец за да ја олеснат инфлацијата.
Американскиот долар зајакна по таа објава, што ја поскапи нафтата за купувачите кои користат други валути.