Цените на нафтата се задржаа над нивото од 52 американски долари откако Кувајт ја поддржа саудиско-руската иницијатива за продолжување на периодот на намалено снабдување до крајот на март следната година.
На лондонскиот пазар цената на барелот порасна за 30 центи на 52,12 УСД, колку што порасна и на американскиот пазар, 49,15 УСД.
Саудиска Арабија и Русија се согласија дека периодот на намалено снабдување за околу 1,8 милиони барели дневно би требало да биде продолжен до крајот на март следната година.
Важечкиот договор предвидуваше завршување на тој период во јули оваа година.