Шаби Алонсо ќе биде новиот тренер на Борусија Менхенгладбах од јуни годинава, пренесе прв веродостојниот новинар на Bild, Кристиан Фалке.
Одамна е познато дека сегашниот тренер на Менхенгладбах, Марко Розе заминува летово во Борусија Дортмунд, а досега не беше најдена замена за него.
Ова ќе биде прв вистински тренерски ангажман на Алонсо - досега тој го водел само младиот тим на Реал Мадрид и Б тимот на Реал Сосиедад.
Менхенгладбах е на десеттото место во германската Бундеслига и беше исфрлен од Манчестер Сити во осминафиналето од Лигата на шампионите. Во саботата успеаја да го совладаат последнопласираниот Шалке и да ја прекинат серијата од девет натпревари без победи (осум порази и едно реми) во сите натпреварувања.
За потсетување, легендарниот шпански играч за врска се повлече во 2017 година во дресот на Баерн, а играл и за Реал Мадрид, Ливерпул, Реал Сосиедад и Еибар. Тој играше за репрезентацијата 114 пати и постигна 16 голови.