Контроверзниот француски сатиричен магазин Charlie Hebdo (Шарли Ебдо) објави серија карикатури на Новак Ѓоковиќ поради големиот дипломатско-спортски скандал во кој на српскиот тенисер му беше укината визата за Австралија.
Министерот за имиграција Алекс Хок го искористи своето право и денеска му ја укина визата на Ѓоковиќ за Австралија, но неговата депортација беше стопирана и по жалбата сѐ уште се надева дека ќе учествува на првиот Грен слем турнир во сезоната.
По тој повод Charlie Hebdo објави текст за Ѓоковиќ и неколку брутални пораки во карикатуритеа.
„Дали сме сведоци на идната дипломатска криза меѓу Србија, од која доаѓа Ѓоковиќ, и Австралија? Тенисерот, кој верува дека е недопирлив, отиде во Австралија да игра на турнирот, но без да го заврши процесот на вакцинација и неговата виза заврши во ѓубре, па тој сега осамен в хотел чека можно протерување од земјата. Дојди во Франција Ѓоко, и среќата ќе ја најдеш таму каде што се нашите антиваксери“, стои во пораката на сатиричниот магазин.
На сликите има неколку морничави пораки. На едната Ѓоковиќ се брани од вакцини, а на последната српскиот тенисер го повикуваат во Франција за да заврши таму каде што завршиле тамошните антиваксери. Заедно со погребните ковчези каде пишува „невакциниран“, алудира на земјените терени на Ролан Гарос.
Да потсетиме, Charlie Hebdo беше цел на терористички напад на 7 јануари 2015 година по карикатурите на пророкот Мухамед.
