Чави се правда: Тревата не беше добра

Фудбалерите на Барселона синоќа ремизираа со Ајнтрахт во Франкфурт со резултат 1:1 во првиот натпревар од четвртфиналето на Лига Европа.

Домаќините поведоа со голот на Кнауф во 48. минута, а Барселона ремизираше со голот на Торес во 66. минута.

Фудбалерите на Барселона по натпреварот се пожалија на состојбата на тревникот во Франкфурт, а тоа го направи и тренерот на тимот, Чави, со што го оправда фактот дека неговиот тим не триумфирал.

„Тревата не беше добра. Кога ќе играме дома, топката ќе оди подобро на теренот“, изјави Чави.

Реваншот меѓу Барселона и Ајнтрахт се игра следниот четврток.