Легендата на Барселона и на шпанската репрезентација со низа убави зборови за својот колега и ривал, Андреа Пирло.
Чави Ернандес беше маестро на Пиринеите. Никогаш немаше шанса да игра еден крај друг со Андреа Пирло, но играјќи против имаше доволно можности да стекне убаво мислење за Италијанецот.
„Почнавме да играме еден против друг уште кога имавме 16-17 години и тоа во младинските репрезентации. Уште тогаш се истакнуваше по талентот и класата. Прво играше како треквартиста, а потоа се трансформира во спектакуларен организатор на играта. Тој е прав маестро“, вели Чави.
Според него, светот нема во блиска иднина да види играч од калибарот на Пирло.
„Јас бев негов голем обожавател, еден автентичен фан. Гледајќи го како игра се заљубував во овој спорт. Продолживме да играме еден против друг во сениорските репрезентации, потоа кога играше за Милан, па за Јувентус. Тој е играч кој едноставно не може да биде заменет, засега нема не гледам на видик никој како него во светот и прилично сум сигурен дека нема ни да има долго време“, заврши Каталонецот.
Пирло се пензионираше прв, во 2017, додека една година помладиот Чави лани.