Легендата на Барселона Чави Ернандес соопшти дека е позитивен на коронавирус.
Четириесетгодишниот Шпанец, кој сега е тренер на Ал Сад во Катар, објасни дека нема симптоми.
„Пред неколку дена се тестирав за COVID-19 и тестот е позитивен. За среќа, се чувствувам добро, но ќе бидам изолиран сè додека не дадам негативен тест. Кога здравствените власти ќе дозволат, ќе се вратам на работа“, напиша Чави на социјалните мрежи.
Пораки со поддршка и желби за брзо оздравување почнаа да стигнуваат од целиот свет, а пред сѐ од неговиот поранешен клуб Барселона.