Претседателот на УЕФА, Александер Чеферин очекува одложеното Европско првенство да се одржи следната година, изјави во интервју за шпанскиот весник El Mundo.
ЕП 2020, што требаше да се одржи во 12 града помеѓу јуни и јули, е одложено за март 2021 година, откако новиот коронавирус ги одложи или откажа сите светски натпревари.
Чеферин минатата недела изјави дека има проблеми со тројца домаќини, притоа потенцирајќи дека овие грижи нема да спречат да се одржи турнирот. Говорејќи за El Mundo, Чеферин остана уверен дека турнирот ќе се одржи во 2021 година.
– Да, би се обложил на тоа. Не гледам зошто не треба да се одржи. Не мислам дека вирусот ќе трае вечно. Ситуацијата е сериозна, но се подобрува и сега сме повнимателни. Знаеме повеќе за вирусот и во моментов сум оптимист, изјави тој.
Додека некои првенства, како што е Бундеслигата, се вратија, а други веројатно ќе ја следат, натпреварите засега ќе се играат зад затворени врати, а некои експерти предупредуваат дека нема да биде безбедно навивачите да ги посетуваат стадионите додека да се најде вакцина.
Сепак, Чеферин верува дека навивачите наскоро ќе можат повторно да ги поддржуваат своите омилени тимови од трибините.