Претседателот на УЕФА си ја отвори душата по повод сагата со таканаречената Супер лига и откри дека најмалку е разочаран од постапките на каталонскиот клуб за кој гледа еден вид на оправдување.
Александер Чеферин направи опширно интервју за словенечкиот портал 24ur во кое, нормално, тема беа неодамнешните превирања околу контроверзниот проект на богатите, Супер лигата.
„Можам да кажам дека англиските клубови донесоа многу исправна одлука и ќе го имаме тоа предвид. Ја признаа својата грешка и сфатија колку не се во право. Сите грешиме. На некој начин бев разочаран од сите, но морам да кажам дека веројатно Барселона најмалку ме разочара“, вели претседателот на европската куќа на фудбалот.
„Лапорта беше многу скоро избран. Со него зборував два-три пати, беше под голем притисок поради финансиската ситуација која ја наследи. Тоа се случува кога ги преплатувате играчите, а немате резултати“, рече тој.
Ги пофали трите гиганта кои одбија да учествуваат во Супер лигата: Баерн, Борусија и ПСЖ.
„Погледнете го Баерн: немаат долгови и ја освоија Лигата на шампиони. Бев во постојан контакт со извршниот директор Карл-Хајнц Румениге и со Јоахим Вацке од Борусија Дортмунд. Тие многу ми помогнаа, како и претседателот на ПСЖ, Насер Ал-Хелајфи, кој по секоја логика требаше да биде првиот кој ќе прифати учество во Супер лигата“.
Проектот за Супер лигата ведбаш откако беше објавен прилече куп негативни реакции, УЕФА и ФИФА се заканија со санкции, па мозинството клубови по само два дена се повлекоа.