Фудбалерите на Челси станаа светски клупски шампиони откако во финалниот натпревар одигран во Абу Даби го совладаа бразилски Палмеjрас со 2:1 по продолженијата.
„Сините“ на тој начин ја комплетираа колекцијата на трофеи, бидејќи единствено им недостасуваше оваа титула во витрината.
По слабото прво полувреме, Челsи поведе во 55. минута. Ромелу Лукаку скокна на одличниот центаршут на Хадсон-Одои и заби со глава за водство на „Сините“.
Сепак, само девет минути подоцна јужноамериканскиот шампион израмни. Тиаго Силва играше со рака во својот шеснаесетник, а од белата точка беше досуден пеналот за Веига за 1:1.
До крајот на регуларниот дел од натпреварот најдобрата шанса ја имаше Кристијан Пулишиќ, чиј удар го промаши голот, па се влезе во продолжение.
Се чинеше дека ниту дополнителни 30 минути нема да донесат победник, но во 117. минута беше досуден пенал за Челси, кој Хаверц го претвори во гол за 2:1 и голема победа на „Сините“.
На тој начин Челси го израмни рекордот на Јувентус, Ајакс, Барселона, Баерн и Манчестер Јунајтед, кои ги освоија сите можни меѓународни трофеи, вклучувајќи го и Купот на победниците на куповите.