Фудбал

Челси со 150 милиони фунти ќе се подновува зимава

12. декември 2019 - 18:21 | МИА

Раководството на Челси ќе му одвои 150 милиони фунти на менаџерот Франк Лампард за зимска селекција, објави The Guardian.

На списокот на нови играчи на Лампард се Џејден Санчо (Борусија Дортмунд), Тимо Вернер (РБ Лајпциг), Вилфрид Заха (Кристал Палас), Муса Дембеле (Олимпик Лион) и Фјодор Чалов (ЦСКА Москва).

Челси доби право да купува нови играчи во јануари, откако Спортскиот арбитражен суд во Лозана го собори трансфер ембаргото наметнато на клубот на почетокот од овој месец.

Лондонскиот тим е на четвртото место во Премиер лигата и обезбеди место во осминафиналето на Лигата на шампионите.

Коментирај