Српскиот тенисер Новак Ѓоковиќ остана без 100-тата титула во кариерата, благодарение на чешкиот тенисер Јакуб Меншик, кој победи во директни сетови со 2:0 (7:6 (4), 7:6 (4)) во финалето на Мастерсот во Мајами.
Овој 19-годишен чешки тенисер поведе со 3:0 на стартот од првиот сет, по што Ѓоковиќ се врати и ја надополни брејк негативата, а потоа првиот сет го однесе во тај брејк каде Меншик поведе со 5:0 и лесно го приведе првиот сет до крај.
Вториот сет донесе порамномерна игра на двата ривала со само две брејк топки, двете за чешкиот тинејџер во петтиот гем, кои не успеа да ги искористи, па и овој сет отиде во 13-ти гем.
Тај брејкот во вториот сет беше нешто порамномерен од првиот, но и тој му припадна на Меншик, кој на крајот ја освои титулата на Мастерсот и го спречи српскиот тенисер да дојде до својот голем јубилеј.
Ова беше прва титула во кариерата на Меншик, а Чехот стана и првиот тенисер роден во 2005 година или помлад кој го постигнал ова.
