Долниот дом на чешкиот Парламент денеска усвои закон со кој на Чесите им дава право личното легално оружје да го употребат за заштита на земјата и безбедноста, а пред сѐ да „пукаат на терористи“.
Досегашното право да пукаат во нужна одбрана на животот, здравјето и имотот е зголемено на пукање на терористи.
Со ова право се стекнуваат само државјаните на Република Чешка, исклучиво на територија на земјата.
Чешкото Министерство за внатрешни работи го предложи овој закон како реакција на загрозената безбедност по терористичките напади во Европа.
Чешка е шеста најбезбедна земја на светот. За законот гласаа 135 од 168 присутни пратеници.
Противниците на законот предупредуваат дека Чешка може да се претвори во Див Запад.