Една студија објавена во 2023 година покажа дека овој начин на живот значително влијае на ризикот од миоми.
Студијата објавена во медицинското списание BMJ Open во 2023 година, спроведена од група кинески научници, покажа дека седењето значително влијае на здравјето на жените.
Ризикот од формирање на миом, особено пред менопаузата, е значаен кај жените кои поголемиот дел од денот го поминуваат седејќи. Научниците собрале податоци за 6.623 жени од кинеската провинција Јунан, главно жени кои живеат на рурални фарми.
Миоми или фиброиди се бенигни тумори во матката кои обично се појавуваат без симптоми. Фиброидите понекогаш може да предизвикаат обилно менструално крварење и болка. Важно е да се нагласи дека миомите не се опасни по живот, но со текот на времето може да предизвикаат здравствени проблеми, пишува Medical News Today.
Жените во оваа студија одговориле како обично го поминуваат слободното време, а потоа биле прегледани, што вклучувало и ултразвучен преглед на абдоменот за да се утврди дали имаат миом на матката. Откриено е дека 562 учесници (8,5%) имале фиброиди, а сите жени вклучени во студијата биле на возраст од 30-55 години, не биле во менопауза и немале тешки ментални болести.
Заклучокот е дека жените кои пријавиле шест или повеќе часа седење дневно имаат двојно поголема веројатност да добијат миоми за разлика од жените кои имаат помалку од два часа седечка активност дневно.
