Многумина се обидуваат да ги смират симптомите на сезонските алергии со помош на етерични масла, кои се добиваат со дестилација од разни билки, а можат да се вдишуваат или да се стават директно на кожата. Овој процес се нарекува ароматерапија.
Иако етеричните масла можат да се купат без рецепт, важно е да се консултирате со лекар, бидејќи квалитетот се разликува од производ до производ, а некои масла може да ги влошат симптомите. Доколку имате сезонска алергија, ова се неколку масла за кои може да се консултирате со вашиот лекар.
Лимоново масло
Назалните спрејови кои содржат етерично масло од лимон може да го намалат воспалението на синусите. Но, треба да внимавате на тоа дека сите лимонови масла се фотосензибилни, што значи дека доколку го нанесете под носот и излезете на сончева светлина, ќе дојде до лупење на кожата.
Масло од мента
Може да ја смири кашлицата поврзана со сезонските алергии и се користи и во народната медицина за разни здравствени тегоби, вклучувајќи ги проблемите со желудникот и респираторните органи.
Масло од еукалиптус
Особено успешно против кашлица и воспаленија на грлото, посебно кога се користи во мешавина со мента, оригано и рузмарин.
Противвоспалителни масла
Една од главните причини поради кои се верува дека етеричните масла помагаат кај алергиите се нивните противвоспалителни својства. Лавандата исто така може да ја намали анксиозноста. Темјанот лечи бронхитис и воспаление на синусите, а помага и кај тегоби со варењето.
Никогаш немојте да ги пиете етеричните масла. Најпрво проверете дали се разредени до концентрацијата која е потребна.
