Студеното време нема добро влијание за вашата кожа, па затоа во овој период од годината се препорачува дополнителна нега и хидратација.
Ова се неколку козметички производи кои не треба да ги користите во овој период:
Тоник кој содржи алкохол
Иако некои тоници се направени од хидратантни состојки и може да ги користите и во зима, најдобро е да ги оставите на полица и да не ги користите додека да дојде пролет. Тониците коишто содржат алкохол ќе ја оштетат вашата кожа, ќе ја направат да биде чувствителна, особено во зимските денови.
Наместо тоа – користете тоник со хијалуронска киселина.
Маски од глина
Многу луѓе користат маска од глина за детоксикација на кожата, но оваа маска дополнително ќе го исуши вашето лице во овој период од годината. Наместо маска од глина, користете маска од краставица.
Етерични масла
Во текот на топлите месеци нема да имате проблеми доколку користите миризливи производи за нега на кожа, но треба да ги избегнувате во овој период од годината.
Состојки за акни
Бидете внимателни со производите коишто содржат салицилна киселина или бензоил пероксид. Ако имате акни треба да користите „поблаги“ козметички производи за да избегнете иритација.
Читајте следно: Како до здрава и мазна кожа во есен?