Војската на САД сака да види како би се однесувале возилата кои користат водородни келии во воени услови, па General Motors разви специјален концепт Chevrolet Colorado ZH2.
Станува збор за камионет кој нема мотор со внатрешно согорување туку место него користи водородни келии, а тестирањето ќе почне следната година.
GM соработуваше со американската војска во развојот на моделот, а оваа опасна машина уште сега изгледа подготвена за борба. Базиран е на продолжената верзија на платформата на Colorado, а благодарение на подобрената амортизација сега има подобри перформанси за совладување на потежок терен. Исто така во справувањето со нерамнините помагаат и големите 37 инчни тркала.
Интересен дел од проектот е Exportable Power Take-Off системот што им овозможува на војниците да ги користат водородните келии за добивање струја на места каде што нема електрична мрежа.
Војската следната година ќе го тестира автомобилот и ќе процени дали има предност од користењето возила со ваков мотор.
Една голема предност е што ваквите возила се исклучително тивки и можат да бидат практични при извидувачки мисии. Предност е и тоа што електричните мотори имаат голем вртежен момент, па се одлични за тешки терени.
Овој концепт може и да ја задржува пареата со чија помош војниците ќе имаат вода додека се во мисиите.
GM работи и на подводен дрон кој исто така ќе има водородни келии, а веќе се почнати тестовите во базен.