Chevrolet Corvette E-Ray (2024) дебитираше како прв електрифициран модел на легендарниот спортски автомобил.
Corvette E-Ray е придвижуван од 6,2-литарски V8 мотор поврзан со електричен мотор, а овој хибриден погон испорачува вкупно 665 КС. Од Chevrolet тврдат дека E-Ray забрзува од 0 до 100 км/ч за нешто повеќе од 2,5 секунди, што ја прави најбрзата сериска корвета во историјата. Овој автомобил поминува 402 метри за 10,5 секунди.
На предната оска, E-Ray има електричен мотор кој испорачува 160 КС и 165 Nm вртежен момент, додека системот се напојува од литиум-јонска батерија од 1,9 kWh. Во режимот Stealth, хибридниот модел Corvette може да помине до 72 километра без да го користи својот V8 мотор. Овој режим се користи за ситуации како излегување од маало.
Што се однесува до моторот со внатрешно согорување, тоа е познатиот LT2 6,2-литарски V8 од Stingray. Овој мотор развива 495 КС и вртежен момент од 637 Nm, а E-Ray има и нова лесна литиум-јонска батерија од 12 волти која го напојува системот за запирање-поаѓање на SUS моторот.
Покрај тоа, E-Ray е опремен со специјалниот систем за суспензија The Magnetic Ride 4.0 кој е стандарден, а стандардни се и карбон-керамичките сопирачки Brembo. Corvette користи гуми Michelin Pilot Sport за сите сезони и тркала од 20 и 21 инчи. Како опција се достапни летните гуми Michelin Pilot Sport 4S.
Кога станува збор за дизајнот, моделот E-Ray е 9,14 сантиметри поширок од стандардниот Stingray. Доби поинаква предна табла со поистакнати хоризонтални елементи, додека одзади нови отвори се интегрирани во браникот.
Купувачите ќе можат да бираат од 14 бои на каросеријата, вклучувајќи Riptide сина, Seawolf сива и Cacti боја. Carbon Flash ознаките се стандардни, а купувачите ќе можат опционално да добијат и други карбонски каросериски додатоци. Исто така, E-Ray ќе биде достапен со екслузивна линија преку каросеријата во Electric сина боја, додека опција ќе бидат и црните завршетоци на издувните цевки и светлите ознаки. Купувачите ќе можат да бираат помеѓу 4 дизајни на алуминиумските бандажи, а во понудата ќе биде и карбонска верзија.
Сите примероци од новата корвета ќе имаат подобрена технологија за помош на возачот, која вклучува помош во држењето на возилото на коловозот, како и предупредување за напуштање на обележаниот коловоз, предупредување за судир, автоматско кочење во итни случаи и друго.
Продажбата ќе започне нешто подоцна годинава, точниот датум не е одреден, но се очекува тоа да биде во вториот дел од годината.
Што се однесува на цената, 1LZ купе ќе чини 104.295 долари, додека 1LZ кабриолет 111.295 долари. Две цени се без вклучен данок.
