Американската компанија направи електричен автомобил 20 години пред тоа да го стори Tesla.
Chevrolet потврди дека во одреден момент ќе претстави електрична верзија на познатата Corvette (Chevrolet Corvette). Меѓутоа, кога тоа ќе се случи, овој електричен спортски автомобил нема да биде првиот од ваков вид.
Всушност, првата електрична Corvette ја направи Motorola во 90-тите години на минатиот век во Илиноис, а таа американска компанија ја модифицираше четвртата генерација на овој спортски автомобил со V8 мотор за да може да работи на струја.
Во време кога електричните автомобили беа далеку од реалноста, Motorola направи прототип на електричен автомобил кој денес лесно може да се натпреварува со спортските автомобили на бензин. Што е уште поинтересно, на интернет речиси и да нема информации за овој електричен автомобил.
Тоа е навистина импресивен проект кој живеел во аналогната ера, а завршил пред интернетот да успее да се вкорени и да го направи бесмртен за целиот свет.
Освен голем куп хартии кои вклучуваат шеми и бројни пресметки, многу малку се знае за ова возило. Посебно интересен детал се табличките на автомобилот со ознаката EL (електрично возило), што во еден момент беше задолжителна ознака за електричните автомобили во Илиноис, но во времето кога беше создаден овој Corvette - малкумина би го сфатиле неговото значење.
Motorola Electric Corvette е речиси идентична со оригиналниот фабрички модел однадвор, додека внатрешноста е значително различна. Под хаубата има кутии кои зафаќаат простор кој инаку би бил пополнет со V8 мотор. Некои од нив се означени со етикети за висок напон, и содржат батерии кои го напојуваат автомобилот. Батериите се наоѓаат и во багажникот и другите делови на автомобилот, а се верува дека тоа е така затоа што инженерите сакале да го спуштат центарот на гравитација на автомобилот.
Иако автомобилот моментално не е во возна состојба, се претпоставува дека бил многу брз бидејќи некои документи откриваат дека неговата моќност била 428 КС.
Моторола направи сѐ за да го задржи целиот проект обвиен во тајност, дури и забрани инженерите да работат на батерии на автомобили кога гости се во нивните простории или во близина, но како и со многу работи во технолошкиот свет, информациите го наоѓаат својот пат до јавноста...