Чиа пудингот е вкусен и здрав десет кој секојдневно може да го консумирате без да имате грижа на совест. Може да го консумирате како брз и здрав оброк, но исто така треба да знаете дека е одлична замена за доцен појадок.
Има повеќе причини зошто треба да консумирате чиа семе. Чиа семето е одличен избор доколку имате проблеми со дигестивниот систем. Освен тоа, богато е со калциум, железо, магнезиум, цинк и витамин Б.
За да го подготвите потребни ви се: 50 мл. млеко, 3 супени лажици семе од чиа, 1 лажица овесни снегулки, половина банана, една мала нектарина, свежи капини, путер од бадеми и половина лажица цимет.
Смелете го чиа семето и оставете го на страна. Во меѓувреме, ставете млеко и половина банана во блендер и измешајте. Додадете чиа семе, овесни снегулки, путер од бадем и цимет во смесата од блендер и добро измешајте. После тоа, истурете во помала тегла и оставете го во фрижидер најмалку половина час.
Декорирајте со нектарина и капини и уживајте во здравиот оброк.