Чиамба: Одлуката за Северна Македонија е донесена едногласно

Брисел, 19 јуни 2019 (МИА) – Романското претседателство реагираше на шпекулациите кои се раширија во медиумите дека седум земји вчера на Советот за општи работи биле „против“ преговорите со Северна Македонија. Информациите се демантирани и на вебсајтот на министерството за надворешни работи на Луксембург, јави дописничката на МИА од Брисел.

Министерот за надворешни работи на Романија и претседавач на вчерашниот состанок, Џорџе Чиамба, во писмена изјава за МИА потсетува дека компромисот постигнат вчера да се одложи одлуката за старт на преговори е резултат на консензус меѓу земјите членки, како што предвидува праксата во Советот.

„Договорот постигнат преку консензус вчера на ниво на земјите членки на Советот за општи работи претставува резултат на интензивна работа и комплексен преговарачки процес и испраќа позитивна порака. Ние не можеме да коментираме шпекулации и потсетуваме дека заклучоците беа усвоени едногласно“, стои во реакцијата на министерот до МИА.

Од Советот на ЕУ за МИА прецизираат дека вчера на состанокот немало никакво гласање, туку, како што е секогаш случај, по интензивни преговори, министрите успеале да изнајдат заеднички став помеѓу земјите кои се залагаат за побрзо отворање на преговорите со Северна Македонија и оние кои имаат внатрешни процедурални пречки како Германија или кои имаат резерви кон проширувањето генерално, како Франција.

„Она за што се дискутираше вчера беше речникот кој ќе се употреби во заклучоците, не се носеше одлука за преговорите со Северна Македонија, така што не може ниту една земја да била за или против“, вели висок дипломатски извор во Советот на ЕУ за МИА.

Земјите членки вчера не можеле да одлучуваат за датум за преговори поради Германија која јасно ставила на знаење дека од правни причини не смее да ја става на ред таа дискусија додека не донесе Бундестагот одлука.

„Германија ни појасни дека не можат да разговараат за отворањето преговори затоа што нема мандат за таква дискусија од парламентот, така што оваа информација дека некои земји биле за или против е целосно лажна вест“, велат од Советот на ЕУ и додаваат дека не бил изразен негативен став за преговорите со Северна Македонија, туку дека “познатите земји“ со „најголем отпор кон проширувањето“ ги повториле своите позиции.

Во прилог на тоа дека информациите содржани во твитот, кој потоа се рашири во медиумите, не се точни говори и веб страницата на Министерството за надворешни работи на Луксембург, кое уште вчера објави дека поддржува отворање преговори со Северна Македонија.

„Министерот Аселборн истакна дека за Северна Македонија Советот мора да даде позитивен одговор, со оглед, меѓу другото, на историскиот договор за името и напредокот на земјата која е кандидат од 2005-та. Иако продлабочувањето на ЕУ е важно, исто толку е важно и да се зацврсти позитивната динамика“, изјавил вчера на состанокот луксембуршкиот министер за надворешни работи, Жан Аселборн.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Свет

Во Таџикистан уапсени 9 лица поврзани со масакрот во Москва

Read more

Израел ја нападна Сирија: 38 загинаа во Алепо, меѓу кои и членови на Хезболах

Read more

Лавров: Украинскиот план е бесмислен, вклучува повлекување на нашата армија од освоените територии

Read more

Огромна дупка во Рим проголта два автомобила

Read more
 

Вести

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе

Силен земјотрес ја погоди Бугарија

Читај повеќе