Двата гола ги постигна Карим Бензема, во 10. и 32. минута, но главното име на натпреварот беше Лука Модриќ.
Угледниот Marca веќе го избра Модриќ за играч на натпреварот, а AS го направи истото доделувајќи му „совршена десетка“.
„Сите деца сакаат да бидат напаѓачи и да постигнуваат голови сѐ додека не видат прво полувреме како она што го одигра хрватскиот волшебник, па се премислуваат. Пример за организација, мозок, дистрибуција, присуство... пример за фудбал. Голманот Зомер и пречката му одзедоа еден гол, офсајдот на Варан уште еден, но тоа не е важно. Оваа недела 89 проценти од нашите читатели дадоа поддршка тој да добие нов договор. Ако ги прашате вечерва, ќе има 100 проценти. 10/10“, пишува AS.
Двојниот стрелец Бензема, Тони Крос и Лукас Васкес добија деветки.
А Модриќ фалбите за индивидуална изведба не го интересираат. Тој на Instagram објави своја фотографија од натпреварот и напиша само: „Одличен тим“.