Истражувањата покажаа дека читањето буди емпатија, чувство на поврзаност и припадност.
Читањето добар роман не само што релаксира, туку може да ви помогне да ги преработите личните емоции и да ги пребродите грижите, велат библиотерапевтите.
Истражувањата досега потврдија бројни придобивки. Студија од 2009 година спроведена на Универзитетот во Сасакс, Англија покажа дека читање во траење од само 6 минути го забавува пулсот и мускулната тензија и не прави потолерантни на животните проблеми.
„Страсните вљубеници во книжевноста добро знаат дека читањето книги го ублажува или целосно го елиминира чувството на осаменост. Кога читаме некој роман, минуваме часови и часови со истите ликови“, вели Марија Евгенија Панеро, психијатар од Центарот за емоционална интелигенција на Универзитетот Јејл.
Читањето може да создаде чувство на припаѓање, со што се задоволува потребата за заедништво.
Поврзувањето со ликовите и нивните искуства условува да ги усвоиме нивните особини, покажаа резултатите од истражување објавено во Psychological Science.
„Читањето може да спречи присетување на трауматични настани и искуства“, вели Розели Нект, психотерапевт од Њујорк.
Романот кој не може да го оставиме од раце е како ментален одмор.
„Фикцијата некое време не извлекува од реалноста. Кога повторно ќе се вратиме во реалноста, тоа што не загрижувало изгледа поинаку у делува полесно за совладување“, вели Нект.
Навиката за читање докажано може да помогне да станеме почувствителна личност.
