Навивачката група Чкембари објави креативно видео како најава за неделното големо дерби против скопскиот лут ривал Вардар.
Популарното Дерби на Македонија се игра в недела под рефлектори од 20:00 часот на Националната Арена „Тодор Проески“ во Скопје. Големиот стадион дозволува присуство на двете навивачки групи, па така на домашните Комити ќе им се придружат и битолските Чкембари за одлична фудбалска атмосфера.
Во Битола веќе на големо се екипираат за патувањето во главниот град, па денеска објавија и креативна видео-реклама во која Чкембари на коњи одат за Скопје.
Дербито се игра во рамките на 2. коло од новата сезона во првата лига.
