Членките на НАТО се согласија за мерки против Русија ако пропадне нуклеарниот договор

Брисел, 26 јуни 2019 (МИА) – Земјите членки на НАТО се договорија дека доколку Русија до 2 август не се усогласи со нуклеарниот Договор за ракети од среден дострел, како одговор ќе бидат преземени низа политички и воени мерки против Москва, соопшти вечерва генералниот секретар на Алијансата, Јенс Столтенберг.

Како што јави дописничката на МИА од Брисел, по првиот ден на министерскиот состанок за одбрана на Алијансата, Столтенберг нагласи дека станува збор за мерки чија цел е да обезбедат ефикасна нуклеарна одбрана на земјите сојузнички, како воени вежби, воздушна и ракетна одбрана или пак разузнавачки активности.

– Нема да ја имитираме Русија, не сакаме нова трка во вооружување, но мораме да задржиме кредибилни одвраќање и одбрана и затоа ги разгледуваме можните мерки, изјави Столтенберг, нагласувајќи сепак дека одговорот на Алијансата ќе остане умерен и дефанзивен и дека НАТО нема намера да распоредува копнени ракети.

Русија, која заедно со САД е потписник на Договорот за нуклеарни сили од среден дострел од 1987 година, со години е обвинувана од западните земји дека постојано го прекршува договореното и развива проектили забранети со оваа спогодба. Во февруари годинава, САД најавија дека ќе се повлечат од Договорот до 2 август, доколку Русија не престане да го прекршува.

Сите земји членки на НАТО се согласни дека САД се во право во својата одлука и утврдиле, преку индивидуални независни истраги, дека Русија развива забранети проектили како што е ССЦ8.

НАТО се надева дека Москва ќе се одлучи на „вистинскиот“ чекор и дека до 2 август ќе почне повторно да ги почитува одредбите од спогодбата, иако, според генералниот секретар, сѐ укажува на тоа оти Русија нема намера да го стори тоа. – Напротив, Русија продолжува да ги распоредува забранетите проектили, а НАТО се подготвува да живее во свет без овој нуклеарен договор, рече Столтенберг.

– Ако не се усогласат до 2 август тие ќе треба целосно да ја преземат одговорноста затоа што ние покажавме трпение со години, пред години го отворивме ова прашање, но во даден момент мора да ставиме на знаење дека контролата на оружјето не функционира ако се почитува само од една страна. Ова е екстремно сериозно, истакна Столтенберг и потсети дека оружјето кое го развива и распоредува Русија се проектили кои можат да носат нуклеарни боеви глави, да се активираат во многу кус рок и се многу тешки за детектирање, со што се намалува прагот на употреба на нуклеарното оружје во конфликтите.

НАТО и Русија треба да одржат состанок во рамките на Советот НАТО-Русија на 5 јули, тело кое е замрзнато неколку години поради конфликтот во Украина. На овој состанок двете страни треба да разговараат за нуклеарниот договор, но за сега Москва не го потврдила своето учество.

реклама

Патничките авиони ќе летаат како птиците во јато

Read more

Зошто одеднаш Израел почна да си подава рака со арапските земји?

Read more

Ако епидемиолошката слика е стабилна, во ноември ќе се дозволи физичко присуство во училиштата

Read more

Мајмун украл телефон и си правел „селфи“

Read more

Свет

Зошто одеднаш Израел почна да си подава рака со арапските земји?

Read more

Дневен преглед на состојбата со COVID-19 во светот

Read more

Трамп сакал да го помилува Асанж во замена за информација за хакираните сервери

Read more

Путин: На руското оружје му нема рамно во светот

Read more

Вести

Тачи го одликува Трамп со Орденот на слободата и го покани да го посети Косово

Читај повеќе
  • play_arrow

Зошто одеднаш Израел почна да си подава рака со арапските земји?

Читај повеќе

Дневен преглед на состојбата со COVID-19 во светот

Читај повеќе

Отказ за советник на екс министерот Чулев поради насилно и недолично однесување

Читај повеќе

Трамп сакал да го помилува Асанж во замена за информација за хакираните сервери

Читај повеќе

Во Струмица пријавен случај на обљуба врз малолетно машко дете

Читај повеќе

Нуредини: За менаџирање со отпадот веќе има проект планови, но тоа е комплексен и скап процес

Читај повеќе

Путин: На руското оружје му нема рамно во светот

Читај повеќе

Владата ги објави имињата на предложените заменици-министри

Читај повеќе