Екипажот на Polaris Dawn на SPACEX се врати на Земјата по пет дена во орбитата, по историската мисија која ја вклучи првата приватна вселенска прошетка во историјата.
Капсулата Dragon паднала во морето во близина на брегот на Флорида пред околу 40 минути, јавува BBC.
„Добредојдовте назад на Земјата“, објави SpaceX на X.
Американската вселенска агенција НАСА соопшти дека мисијата претставува „голем чекор напред“ за комерцијалната вселенска индустрија.
Вчера, екипажот ја искористи сателитската мрежа SpaceX Starlink за да воспостави директна видео врска со Земјата.
Splashdown of Dragon confirmed! Welcome back to Earth, @rookisaacman, @kiddpoteet, @Gillis_SarahE, @annawmenon pic.twitter.com/nILpMQh2sR
— SpaceX (@SpaceX) September 15, 2024
Мисијата ја финансираше милијардерот Џаред Ајзакмен. Нему му се придружија Скот Потет, пензиониран пилот на американските воздухопловни сили и вработените во SpaceX, Сара Гилис и Ана Менон. Ајзакмен и Гилис се првата непрофесионална екипа која изведе вселенска прошетка, многу ризичен маневар кој вклучува излез од вселенско летало.
Пред тоа, само астронаутите со вселенски агенции финансирани од владата можеа да го направат тоа.
Говорејќи на контролата на мисијата во Хоторн, Калифорнија за време на вселенската прошетка, Ајзакмен рече: „Сите имаме многу работа дома, но оттука светот изгледа како совршено место“.
