Одличен за појадок или ужина, послужен со шолја млеко или кафе.
Потребни состојки:
1 шолја брашно
½ шолја какао
1 лажичка прашок за пециво
½ лажичка морска сол
3 поголеми банани или 5 помали
2-3 лажици кокосово масло или путер
5 лажици кафеав шеќер или 2 лажици мед
1 јајце
1 шолја темно чоколадно исечкано на нееднакви делови
Подготовка:
Загрејте ја рерната на 170 степени. Подгответе ја тепсијата за лебот.
Измешајте ги брашното, какаото, прашокот за пециво и морската сол. Во друг подлабок сад згмечете ги бананите со виљушка. Додадете го стопениот путер и измешајте. Потоа додадете го шеќерот или медот, јајцето и убаво измешајте.
Сувата смеса префрлете ја во чинијата со течната смеса, малку по малку и мешајте додека не се соединат. На крајот додадете дел од исечканото чоколадо.
Префрлете ја смесата во тепсија обложена со хартија за печење или премачкана со масло. Одозгора ставете го остатокот од чоколадото. Лебот печете го околу 60 минути.
Кога ќе го извадите од рерна оставете го да се олади 15 минути. Потоа внимателно извадете го од тепсијата, исечете и сервирајте со сладолед, путер од кикирики или џем.
Рокот на траење на овој леб е 4 дена.
