Асистент селекторот на хрватската репрезентација Ведран Чорлука најави проба против Чешка, која Хрватска ќе ја игра на Европското првенство во петок.
Чорлука неодамна се пензионираше и сега игра нова улога, а Чешка е ривал на Хрватите од ЕУРО 2016, што тој и сите навивачи на репрезентацијата кои го гледаа како игра фудбал со ватерполо капа на главата, многу добро го паметат.
„И ден-денес мислам дека лекарите сакаа да ме исмеваат со тоа ватерполо капче и сè уште сум им малку лут за тоа. Но, поради капчето влегов во музејот на УЕФА, така што е барем позитивно. А дека изгледав убаво – не изгледав“.
За потсетување, капчето што го носеше од медицински причини, беше коментирано од поодамна од страна на д-р Борис Немец, доктор со најдолг стаж на хрватската фудбалска репрезентација кој се збогуваше со таа позиција во 2019 година.
„Чорлука претрпе повреда, расекотина на незгодно место на главата и не постои начин како да го запрете крварењето. На пример, на чело ќе ставите фластер, завој и го затегнувате. Сепак, повредата беше на скалпот на темето. Така, завојот што му го ставивме ќе се поместуваше при секој удар со глава. Му го зашивме на полувреме, но тој повторно ја погоди топката и почна да крвари. Потоа мораше да се одмори, но не можеше како стожерен играч. Тогаш помисливме дека му треба капа, а Ндерим Реџај се сети: ‘А да му ставиме ватерполо капче?’ Јас реков дека е одлична идеја и му се јавив на Матеш да го прашам дали може да испрати капче“, се присети Немец, па додаде:
„Но, кога му го дадовме на Чорлука, тој нè избрка: ‘Сите ќе ми се смеат!’“ Тогаш мојот колега Бахтијаревиќ рече: ‘Ќе бидеш главен, Чарли, ќе биде штос.’ Му го врза капчето и сите почнаа да се смеат. Но, го стави на натпреварот и стана хит“.