Последното предвидување за крај на светот беше „закажано“ за 23 септември. Бидејќи очигледно такво нешто не се случи, човекот кој го најави крајот, претставник на протестантската црква Дејвид Мид, објасни зошто не дошло до такво нешто.
Мид истакна дека на 23 септември започнало нешто многу поголемо од самата катастрофа.
„Светот не престана да постои, но дојде крајот на светот каков што го познаваме“, вели Мид.
За да го оправда своето размислување, тој зборуваше за ураганите и земјотресите кои во последно време нанесоа огромни штети на жителите на Америка.
Исто така го споменал и помрачувањето на сонцето кое, како што тој тврди, влијаело на „уништувањето на светот каков што го познаваме“.
Неговите предвидувања се наводно базирани врз основа на нумерологијата и Библијата.
„Исус Христос живеел 33 години. Името „Елохим“ за Евреите Божјо име, се споменува 33 пати во Библијата. Тој број е нумерички и библиски значаен“, додава тој.
Но, во каква врска е бројот 33 со овие предвидувања?
Мид истакнува дека 23 септември, за кога беше најавен крајот на светот, е 33 ден од помрачувањето на Сонцето кое се случи во август.
