Изгледа дека со право се зборува дека рагбистите се најцврстите спортисти во светот, а тоа посебно се покажа како точно по случајот на Џо Вестерман. Тој претрпе страшна повреда среде натпревар, но тоа како воопшто да не му влијаеше, па затоа стана и го продолжи натпреварот.
Во рамки на Супер лигата, најсилното европско рагби натпреварување, Џо Вестерман се судри со противнички играч и коленото му излезе од лежиштето. Обично кога ќе се случи нешто такво, повеќето спортисти бараат носилка и реакција на лекарите, но не и Џо – тој беше сам свој лекар, си го намести коленото и продолжи со денот како ништо да не се случило.
ВНИМАНИЕ: ВИДЕОТО НЕ СЕ ПРЕПОРАЧУВА ЗА ОНИЕ СО ЧУВСТВИТЕЛНИ СТОМАЦИ
Вестерман го забележа исчашеното колено, го удри неколкупати за да го врати назад во првобитната положба и кога му успеа, стана и се врати на теренот за да ја продолжи играта.
„Погледнав кон мојата нога и видов дека коленото не е онаму каде што треба да биде, па решив самиот да го вратам назад. Не беше многу страшна болка. За момент бев преплашен бидејќи коленото ми изгледаше чудно“, изјави Вестерман по натпреварот.
Оваа чудна ситуација се случи во натпреварот помеѓу Хал Сити и Хал Кингстон Роверс. Инаку, Џо Вестерман е познат по прекарот „Големиот Џо“ и е еден од најпознатите рагбисти на неговиот тим.