Планината Зао во Јапонија се наоѓа на 1.840 метри надморска висина, меѓу регионите на Јамагата и Мијаги. Секоја година привлекува илјадници туристи кои се восхитуваат на замрзнатата шума, позната како „чудовиште од снег“.
Станува збор за една од ретките дестинации во Јапонија каде постојат стебла целосно прекриени со снег и лед, редок феномен кој се создава поради силните врнежи на снег и ледените ветрови.
Поточно, силните ветрови кои дуваат од блиското езеро нанесуваат капки вода кои потоа се замрзнуваат на дрвјата, формирајќи хоризонтални кристали од мраз па така се формира и фигурата на дрвото.
Феноменот поради кој туристите масовно ја посетуваат планината Зао се нарекува „чудовиште од снег“.