Американската Централна разузнавачка агенција (ЦИА) има снимка од разговор во кој саудискиот принц Мохамед бин Салман му наредува на брат му „да го замолчи Џамал Кашоги што е можно побрзо“, објави турскиот весник „Hurriyet“.
Весникот пишува дека директорката на ЦИА Џина Хаспел минатиот месец најавила дека на снимката се слуша разговор меѓу принцот и неговиот брат Халед бил Салман кој е саудиски амбасадор во САД.
Официјален Ријад досега категорично отфрла каква било вмешаност на кралското семејство во убиството на Кашоги.
Саудискиот новинар Џамал Кашоги последен пат беше виден жив кога влегуваше во зградата на саудискиот конзулат во Истанбул на 2 октомври.