Грчкиот тенисер Стефанос Циципас објави интересно, но и помалку бизарно видео на YouTube во кое раскажува како го минува времето во текот на изолација.
„Ова се случува кога долго време сте во карантин, едноставно почнувате да го губите разумот во еден момент. Почнувате да разговарате со предмети“, вели 21-годишниот Циципас.
Тој одлучил да се изолира и од семејството откако призна дека пред неколку дена се скарал со нив.
„Ако се прашувате зошто не сум со семејството, имавме мала расправија пред неколку дена и си заминав. Сè уште ги сакам и се радувам што повторно ќе ги видам, но понекогаш е премногу стресно да се биде заедно. Поради тоа одлучив да заминам и да бидам сам. Не ни знаев дали е безбедно да бидам со нив со оглед на тоа што дојдов од Лондон. Ќе ги видам наскоро, можеби идната недела. Тешко е во овие моменти и многу е предизвикувачки да се остане активен“, вели тенисерот.
Циципас вели дека во последно време многу читал. Додаде дека се труди да ја одржи формата, но има впечаток дека се поправил.
„Работите не се со исто темпо како претходно. Следните неколку недели ќе бидат клучни“, вели Циципас.