Грчкиот тенисер и трет носител на УС Опен, Стефанос Циципас, се пласираше во третото коло на Отвореното првенство на Соединетите држави по победата против Французинот Адриан Манарино (44. АТП).
Се одиграа четири сета, а резултатите беа 6:3, 6:4, 6:7, 6:0. Гркот лесно ги доби првите два сета и беше доволно за да поведе со 2-0 по 70 минути игра.
Иако трипати имаше 0:30 на сервис на Манарино во третиот сет, Циципас не успеа да го скрши Французинот и го загуби сетот по тај-брејк.
Потоа Гркот повторно отиде во тоалетот, каде што остана 8 минути, што предизвика публиката да се жали и да свирка кога се врати на теренот.
Сепак, на Циципас не му пречеше тоа, па направи брејк во вториот гем од четвртиот сет и набргу потоа поведе со 3:0.
Доминираше до крајот на натпреварот и на тој начин мина во третото коло на УС Опен, каде го чека Шпанецот Карлос Алкарас (55. АТП).
Циципас и во 1. коло исто така се задржа во тоалет и тогаш добри јавна критика од неговиот противник Енди Мареј.
