Здравје

Циметот е одличен зачин во борбата против вишокот килограми

22. ноември 2019 - 14:13 | Б.С.Б.

Ново истражување објавено во Metabolism: Clinical and Experimental откри дека циметот може да помогне во процесот на слабеење, пренесува Health24.

Веќе илјадници години циметот се користи како медицинско средство, а денес често се користи во различни рецепти за колачи, како зачин во кафе, чај и други намирници.

Хемиската супстанца цинамалдехид е тоа што на зачинот му дава посебен вкус, боја и допринесува за согорување на клетките на мастите. Истражувачите заклучиле дека всушност циметот го забрзува метаболизмот бидејќи телото троши повеќе енергија за да ги обработи зачините во однос на друга храна.

Само една мала лажичка цимет содржи до 1,6 грама влакна, што е всушност повеќе од доволно од дневната потребна количина.

Циметот има антивоспалителни и антибактериски својства и помага во побрзо варење на храната, особено ако генерално јадете нездрава храна. Сепак, и покрај сите позитивни карактеристики на циметот, докторите предупредуваат дека треба да се употребува во умерени количини, бидејќи сепак не е магичен.

Коментирај