Ципрас: Зоран, го знаеш регионот на Преспа?

Атина, 13 јули 2018 (МИА) - Делови од телефонскиот разговор меѓу двајцата премиери од денот кога беше постигнато решението меѓу Македонија и Грција, инсерти од Преспа од потпишувањето на Договорот и порака од обраќањето на Ципрас до грчката јавност, се вклучени, меѓу другото, во видеото што денеска на социјалните мрежи го објави кабинетот на грчкиот премиер, посветено на Договорот од Преспа.

Под наслов „Договорот од Преспа е голема дипломатска победа и голема историска шанса“, во траење од нешто повеќе од 100 секунди, од кабинетот на грчкиот премиер откриваат како беше закажана средбата од двете страни на Преспанското езеро, јави дописничката на МИА од Атина.

Видеото започнува со пејзажи од Преспа, а потоа се префрла во канцеларијата на Ципрас. Датумот е вторник, 12 јуни 2018, денот кога беше постигнат договорот. Грчкиот премиер, во присуство на неговиот советник за надворешна политика, разговара со Заев.

-Зоран, го знаеш регионот на Преспа?, во еден момент го прашува Ципрас неговиот македонски колега, додека на тефтерот што е пред него, напишан е зборот „Преспес“ (Преспа на грчки јазик).

Видеото открива и мал дел од дијалогот на двајцата премиери.

-Ова е Балкан, ова е политика. Ти ќе се соочиш со тешкотии, јас исто така ќе се соочам со тешкотии, но мислам дека историјата ќе ги оправда нашите одлуки, му вели Ципрас на Заев.

-Ние сме многу среќни. Да. Ова е историско, пријателе, одговара македонскиот премиер.

-Договорот од Преспа е историски момент за Балканот и за нашите народи, пишува во еден дел од видео кое е пропратено со музика, освен во деловите каде што има дијалог.

Веројатно откако веќе се договориле двајцата премиери, Ципрас му вели на Заев, дека е среќен што ќе биде првиот премиер што ќе ја посети нашата земја.

-Би бил среќен дека ќе бидам првиот премиер што ќе ја посети Северна Македонија, со насмевка на лицето, вели грчкиот премиер.

По постигнатиот телефонски договор, Алексис Ципрас имаше обраќање до грчката јавност, а еден дел од неговиот говор, каде што вели дека „се отвора прозорец кон иднината, прозорец на солидарност, пријателство и соработка, просперитет и заеднички развој меѓу народите“ е вклучен во видеото.

Од канцеларијата на Ципрас и од 12 јуни, режисерот на видеото се префрла на 17 јуни во Преспа, за време на потпишувањето на Договорот.

-Денес, овде во Преспа, започнуваме заедно да пишуваме една нова песна. Нашата цел е оваа радосна песна да се пее за многу векови. На нашиот јазик и на вашиот јазик. Во нашата земја и во вашата земја. Од нашиот народ и од вашиот народ, рече Ципрас веднаш по потпишувањето на Договорот, а токму оваа изјава е вметната во видеото додека се прикажуваат инсерти од свеченото потпишување.

Како што јави дописничката на МИА од Атина, видеото е дел од кампањата на грчката влада „ Беше исправно, го спроведовме во пракса“, за досега сработеното. Токму и со овој слоган, завршува 100-секундното видео посветено на Договорот меѓу Македонија и Грција.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Македонија

Донесено упатство за радиодифузерите за претседателските и парламентарните избори

Read more

Три лица искасани од кучиња скитници во Скопје

Read more

Петровска: Судот донесе одлука дека Ковачки неправедно ме клеветел

Read more

Денеска се отвора Џевахир Мол Скопје во Аеродром

Read more
 

Вести

Fox News открива: САД потрошиле најмалку 113 милијарди долари за војната во Украина

Читај повеќе

Во Таџикистан уапсени 9 лица поврзани со масакрот во Москва

Читај повеќе

Донесено упатство за радиодифузерите за претседателските и парламентарните избори

Читај повеќе

Три лица искасани од кучиња скитници во Скопје

Читај повеќе

Петровска: Судот донесе одлука дека Ковачки неправедно ме клеветел

Читај повеќе

Тешка сообраќајна несреќа во Кичево: 3 млади лица го загубија животот, има и тешко повредени

Читај повеќе

Денеска се отвора Џевахир Мол Скопје во Аеродром

Читај повеќе

Притвор од 48 часа за две лица кои се задржани по убиството на лекарот во Железара

Читај повеќе

ВМРО-ДПМНЕ: Нашата идна Влада ќе спроведе ограничување на маржите на лековите и проширување на позитивната листа за бесплатни лекови

Читај повеќе