Објавен е првиот трејлер за „The Circle“ , научно-фантастичната трилер драма, со Ема Вотсон и Том Хенкс во главните улоги. Ако сте фан на „Black Mirror“, овој филм сигурно ќе ви се допадне.
Ема Вотсон e млада жена која се вработува во технолошка компанија во Силициумската долина, наречена The Circle. Основач на истата е ликот глумен од Том Хенкс - шармантен човек од типот на Елон Маск, Закерберг и Стив Џобс.
Главниот производ на компанијата е SeeChange - мала стаклена камера која им овозможува на корисниците да ги споделуваат нивните животи и мисли со светот.
Таа почнува да ја користи камерата и целосно да се впушта во популарната што и ја носат социјални мрежи, но наскоро почнува да открива нешто мрачно во сржта на компанијата.
„Знаењето е добро, а знаењето сè е подобро“, вели основачот на технолошката компанија, толкуван од Том Хенкс.
Покрај Вотсон и Хенкс, во филмот ќе ги видиме и Карен Гилијан и Џон Бојега.
Филмот е базиран на истоимената новела од 2013 година, од авторот Дејв Игерс. Премиерата е закажана за на 28 април следната година.
Погледнете го трејлерот: