Сепак, ова нема да ги замени форензичарите, затоа што секогаш ќе биде потребен човечки фактор за читање на податоците.
Како што стојат работите, само една година ја дели Европската Унија од моментот кога сите новопроизведени возила за европскиот пазар ќе мора да имаат „Рекордер на податоци за настани“ - таканаречена „црна кутија“.
Од 2024 година идентичен уред ќе треба да имаат сите возила што се регистрираат за првпат.
Ова е регулатива донесена од Европската Унија во 2019 година, со која, меѓу другото, се одлучи дека сите новопроизведени возила од мај 2022 година нема да можат да се регистрираат или да се хомологираат доколку немаат уред за регистрирање податоци во случај на несреќа, со чија помош треба многу полесно да се реконструира како се случил инцидентот, да се утврдат точните причини или виновниците, за подобро да се разбере како се случиле повредите на учесниците во несреќата.
Јасно е дека податоците од црните кутии би бил корисни за осигурителните компании.