Голманот тренирал на теренот на ФК Бокељ, кога напаѓачот го застрелал во главата и фатално го ранил.
Горан Ленац, 33-годишен голман од Црна Гора, вчера бил застрелан за време на тренинг-сесија, на теренот на ФК Бокељ. Инцидентот се случил вчера, околу 19:30.
Ленац бил застрелан во главата и веднаш бил пренесен во болница, каде по кратка борба за живот, му била констатирана смрт.
Локалните медиуми тврдат дека напаѓачот мора да е некој од локалните граѓани, бидејќи успеал брзо да го напушти местото на злосторството, без притоа да има сведоци.
Горан Ленац беше на платниот список на ФК Бокељ од 2015 година па наваму, ама клубот го користел само за да остане во форма.