Кипарска Омонија успеа преку пенал-рулетот да ја исфрли белградска Црвена звезда од Лигата на шампиони и да ѝ го урне сонот за нов пласман во групната фаза.
Црвена звезда нема трета сезона по ред да игра во фазата по групи од Лигата на шампионите откако денеска заглави кај кипарскиот шампион Омонија.
Звезда одгра 1:1 откако прво инаше негатива по голот на Михаел Луфтнер во 31. минута, но израмни секунди пред полувремето преку Мирко Иваниќ.
Регуларните 90 минути завршија со тој резултат, а немаше промени ниту по продолженијата, па пеналите мораа да го решат победникот. А таму, утките на Диего Фалчинели и Милош Дегенек, наспроти сигурните реализации на Кипраните, ја чинат Звезда елиминација со 4:2 на пенали.
Омонија патува во плеј-офот, последното коло пред фазата по групи, додека Звезда се сели во квалификациите за Лига Европа.